ازاي تضمن انك توصل للحاجة اللي انت عاوزها على بحث جوجل

اكتر حاجة بتتعمل دلوقتي البحث على جوجل او البحث عمتا واكتر محرك بحث مشهور هو جوجل طبعا لكن ازاي تضمن انك فعلا تاخد الحاجة اللي انت عاوزها من البحث على جوجل هي دي الزتونة D= , خصوصا وان معدل حركات البحث ف اليوم الواحد دلوقتي على محرك بحث جوجل عدى المليار بحث ف اليوم الواحد الرقم مش هين فيه مليار بحث ف اليوم ازاي تضمن انك يكون بحثك ليه لازمة ومش تضييع للوقت وتوصل للي انت عاوزه ف الآخر 


مبدئيا كدة محرك البحث دة او جوجل مش بني آدم , آلة , وبتمشي على لوغاريتمات معينة عشان توصلك نتايج البحث اللي بتشوفها فاكيد مش هتبقى 100% عارفة انت عاوز ايه لذلك اليك 6 حاجات تضمنلك ازاي تاخد اللي انت عاوزه من بحثك على جوجل 


1- العنوان

بص يا باشا اول حاجة تاخد بالك منها عنوان المواضيع اللي طلعتلك ف صفحة البحث وعلاقتها بكلمات البحث بتاعتك , اليكم مثال...

بحث في محرك البحث جوجل عن مطاعم بيتزا في الاسكندرية

بحث على جوجل عن "مطاعم بيتزا في اسكندرية "

دلوقتي انا بحثت عن "مطعم بيتزا في اسكندرية" طلعلي الحاجات دي اول صفحة اول حاجة اتأكد منها قبل ما اخش ان الموضوع بيحتوي على الكلمات اللي انا كتبتها طبعا مفيش نتيجة بحث هتلاقيها مطابقة تماما لكلمات البحث عشان مش هتكتب كلمات دقيقة اوي كدة بس هتلاقي معظم الكلمات فتعرف انها مرتبطة بالكلمات اللي انت دورت بيها على جوجل , وكل ما تنزل تحت هتلاقي العلاقة بتقل تدريجي وتبعد عن كلمات البحث واحدة واحدة , يعني مثلا هنا اول 2 او 3 هتلاقيهم فيهم "مطعم بيتزا في اسكندرية " تنزل شوية تلاقي "مطعم بيتزا اسكندرية " شوية كمان تلاقي "مطعم بيتزا" الفكرة وصلت ؟ 

2- الميتا ديسكريبشن او وصف الموضوع

في كل موضوع طلعلك ف صفحة البحث هتلاقي تحتيه وصف ليه او كلام من اللي جوا الموضوع , بردو هتلاقي كلمات من البحث مرتبطة بيه وهتلاقي جوجل عاملك بولد على الكلمات اللي في الموضوع واللي انت كاتبها ف خانة البحث 

 بحث في محرك البحث جوجل عن مطاعم بيتزا في الاسكندرية

وضحت كدة شوية صح , ركز في دول بردو كل ما تلاقي كلام اكتر تضمن ان الموضوع دة ممكن يكون مفيد وفيه الحاجة اللي بتدور عليها , فيه ناس كتير مبتركزش ف الحتة دي وتفضل تقلب ف المواضيع من غير ما تركز عشان مشتتة وتخرج من موضوع لموضوع ومتلاقيش حاجة مفيدة فلو كلفت خاطرك وبصيت ع الحتة دي هتريحك بعدين

3- ctrl + F



افتكاسة من عندي دي xD ساعات كتير بتبقى بتدور على كلام معين مثلا حتة من اغنية او جملة ف فيلم اي حاجة صغيرة فبتخش ع الموضوع اللي فيه كلمات البحث وكله تمام بس الموضوع كبير وفيه كلام كتير وانت بس عاوز الكلمة المعينة اللي بتدور عليها عليك وعلى الحل السحري xD CTRL + F او ما يعرف باسم "find in page" وموجودة ف التليفونات بردو عشان الناس اللي بتبحث على جوجل من الموبايل كتير D= 

4- اتأكد انك بتبحث عن الحاجة اللي انت عاوزها فعلا 

بحث عن "سرك لود "
بحث عن "سرك لود"

كل دة عنوان xD المفروض يكون اقل من كدة D= ما علينا اتأكد انك بتبحث عن الكلمات صح فعلا يعني ممكن خطأ املائي يغير الكلمة تماما , يعني مثلا , انا ببحث عن لعبة "سيلك رود" مينفعش اكتبله " سيرد لود" بالعقل يعني D= ثم متخافش جوجل عملت حاجة بتصححلك الخطأ الكتابي اللي انت عامله وبتكتبلك هل تقصد كذا D: 

5- خير الكلام ما قل ودل 

بحث على المحرك جوجل "كيف تصطاد"


ايه الكلام الكبير دة xD هقولك انا يا عم الحج انت لما تيجي تبحث على جوجل بكلمة او كلمتين او تلاتة مش زي لما تبحث على جوجل بجملة مكونة من عشر كلمات مثلا بالعقل كدة اكيد هتبقى اسهل يعني ايهما اسهل بذمتك "كيف تصطاد البط" ولا "كيف تصطاد البط ببندقية رش ف الاسكندرية " xD 

6- اتأكد ان الكلمة صح 

بحث على المحرك جوجل عن "مغص"
بحث عن كلمة "مغص"

بمعنى , انت ممكن تكون بتبحث عن حاجة معينة كاتب كلام وهي ممكن تكون بتتقال بطريقة تانية فيه كذا طريقة للتعبير وزي ما قولنا جوجل مش دقيق اوي كدة ومش هيعرف انت عاوز ايه بالظبط فمثلا : بدل ما تبحث "آلام البطن" او "آلام المعدة" اكتب "مغص" D: 


كدة اكون خلصت ال 6 نقط اللي يخلوك تضمن ازاي توصل للحاجة اللي انت عاوزها على محرك البحث جوجل , اتمنى يا رب اكون افدتكوا واعرف ارائكوا ف التعليقات 

ولو عندك وقت وعجبتك المقالة ممكن تقرا المقالة اللي فاتت من هنا 


او المقالة اللي قبليها D= من هنا 


او ممكن تعمل سكرول داون وتشوف بقيت المواضيع xD او تطلع ع الصفحة الرئيسية 

شارك الموضوع

مواضيع ذات صلة

1 التعليقات:

التعليقات
30 يناير 2020 في 4:02 م حذف


من أفضل المقالات على الإطلاق صراحة تستحق التعمق أكثر واكثر لقد سعدت بقراءة مقالك وانا فخور بك وبما تقدمه في مدونتك ف انت مثال للمدونات العربية التي تقدم محتوي مفيد
مسك كلمات في جوجل
مقابر للبيع بمحافظة القاهرة
مقابر للبيع
مقابر للبيع مدينة السلام
تسويق عبر الفيديو
افضل شركة سيو في مصر
مدافن للبيع
سيو
خبير سيو
خبير سيو

رد
avatar

هتفرحنا بتعليقك =')